ಗೆಳೆಯ ಸತ್ಯನಿಗೆ ಶುಭಾಶಯ!

ಪ್ರೀತಿಯ ಗೆಳೆಯ ಸತ್ಯ..

ಕ್ಷಮಿಸು..
ನಾನು ನಿನ್ನ ಜನ್ಮದಿನದಂದು
ಮೊದಲು ಶುಭ ಹಾರೈಸಬೇಕೆಂದು
ಬಹಳ ದಿನಗಳಿಂದ ನೆನೆಯುತ್ತಿದ್ದುದು ಸತ್ಯ..
ನೆನೆಯುತ್ತಾ.. ನೆನೆಯುತ್ತಾ..
ಮರತೇಹೋದದ್ದು ಸತ್ಯ..

ನಾ ನನ್ನ ಹೆಸರೊಂದ ಬಿಟ್ಟು
ಮರೆಯದ ವಿಷಯವೇ ಇಲ್ಲವೆಂಬುದು ಸತ್ಯ..
ಆದರೆ ಈ ಬಾರಿ ಮರೆತದ್ದು
ಬೇಸರವ ತಂದಿತೆಂಬುದು ಸತ್ಯ..

ಸಮಯವು 12 ದಾಟಿ
ಮಾರನೆಯ ದಿನ ಬರುವುದಕ್ಕೆ ಮುಂಚೆ
ಕೊನೆಗೂ ಹಾರೈಸಿದೆನೆಂಬುದು ಸತ್ಯ..
ಆದರೆ ಕೊನೆಯವನಾದೆನಲ್ಲಾ
ಎಂದು ನಂತರ ಕೊರಗಿದ್ದೂ ಸತ್ಯ..
ಕೊನೆಯವನಾದರೂ ನಿನ್ನ ಸ್ನೇಹವ ಎಂದೂ
ಕಡೆಯದಾಗಿ ಕಂಡಿಲ್ಲವೆಂಬುದು ಸತ್ಯ..

ನಿನ್ನಿಂದ ತುಸು ದೂರವೇ ಇದ್ದರೂ
ಕೆಲಸದೊತ್ತಡದಲ್ಲಿ ಹಾರೈಕೆಯ ಮರೆತರೂ
ನಾ ಬರೆದ ಈ ಮನದಾಳದ ಸಾಲುಗಳಲ್ಲಿ
ಮೂಡುತಿಹುದು ನಿನ್ನದೇ ಹೆಸರು.. ಸತ್ಯ!