Tuesday, September 28, 2010

2001 - 9/11 - WTC Love story!


The World Trade Center (WTC) was a complex of seven buildings in Lower Manhattan in New York City that were destroyed in the September 11, 2001 terrorist attacks.The famous twin towers were 110 storey buildings. On September 11, 2001, terrorists hijacked American Airlines Flight 11 and crashed it into the northern facade of the north tower at 08:46, impacting between the 93rd and 99th floors. Seventeen minutes later, a second team of terrorists crashed the similarly hijacked United Airlines Flight 175 into the south tower, impacting between the 77th and 85th floorsAfter burning for 56 minutes, the South Tower collapsed, followed a half-hour later by the North Tower, with the attacks on the World Trade Center resulting in 2,752 deaths. 7 World Trade Center collapsed later in the day and the other buildings, although they did not collapse, had to be demolished because they were damaged beyond repair. Groundbreaking for the World Trade Center took place on August 5, 1966. The North Tower was completed in December 1970 and the South Tower was finished in July 1971.

- Source Wikipedia



ಆವಳು ಪಕ್ಕದ ಮನೆಯ ಹುಡುಗಿ
ಬೆಳೆಯುವಾಗಲೇ ನನ್ನ ಮನ ಸೆಳೆದ ಬೆಡಗಿ
ನೋಡುತ್ತಿದ್ದೆ ನಾನವಳ ಆಗಾಗ ಕಿಟಕಿ ಮರೆಯಲ್ಲಿ ಅಡಗಿ

ಆವಳ ನೋಡುತ್ತಲೇ ಬಳೆದೆ
ಹಗಲು ರಾತ್ರಿ ಅವಳ ಸನಿಹದಲ್ಲೇ ಕಳೆದೆ
ಬೆಳೆದು ನಿಂತೆ ನಾ ಆಗಸದ ಎತ್ತರಕೆ
ಕಾದು ನಿಂತೆ ಅವಳ ಒಪ್ಪಿಗೆಯ ಉತ್ತರಕೆ
ಅವಳ ಕನಸುಗಳೆಂಬ ಕಂಬಗಳ ಮೇಲೇರಿ
ನಾ ಮೆಟ್ಟಿ ನಿಂತೆ ಬಾಳಿನ ಮೇಲು ಮೆಟ್ಟಿಲು
ಸಾಧ್ಯವಾಗಿರಲಿಲ್ಲ ಬಹಳಷ್ಟು ವರ್ಷ ಯಾರಿಗೂ
ಮತ್ತೊಮ್ಮೆ ನನ್ನಷ್ಟು ಎತ್ತರಕ್ಕೆ ಕಟ್ಟಲು

ನನ್ನಂತೆಯೇ ಅವಳು, ಅವಳಂತೆಯೇ ನಾನು
ನಮ್ಮ ಪ್ರೀತಿಯ ಮೆಚ್ಚಿ ತಲೆ ಮುಟ್ಟಿ ಹರಿಸಿತ್ತು ಬಾನು,
ನೋಡಿದವರೆಲ್ಲ ಕಂಡರು, ಕಂಡು ನುಡಿದರು,
ಕನ್ನಡಿಯಂತೆ ಹೊಳೆವ ಅವಳ ಕಣ್ಣ ತುಂಬ
ಅನುಕ್ಷಣ ಕಾಣುತಿತ್ತು ನನ್ನದೇ ಬಿಂಬ!

ವಿಶ್ವದ ಮೂಲೆ ಮೂಲೆಯಿಂದ ಬಂದು ನೋಡಿ
ಹಾಡಿ ಹೊಗಳುತ್ತಿದ್ದರು, ಜನ ನಮ್ಮ ಜೋಡಿ
ಆಗ ಸ್ವರ್ಗಕೂ ನಮಗೂ ಮೂರೇ ಮಹಡಿ!
ನಿಂತಿದ್ದೆವು ಸಂತಸದಿ ಆಗಸವ ಚುಂಬಿಸಿ
ತಣಿಸಿದ್ದೆವು ನೂರಾರು ಜನರ ಕಣ್ಣು ಮನ ತುಂಬಿಸಿ

ಅದೊಂದು ದಿನ ರಾತ್ರಿ ಮುರಿದಳವಳು ಮೌನ,
ಇಂತೆಂದಳು ಕರೆದು ನನ್ನ,

ನಾವು ಪ್ರೇಮಿಗಳದರೂ ಬರಲು ಸಾಧ್ಯವಿಲ್ಲ ಸನಿಹ,
ತಬ್ಬದಿರು ನೀ ನನ್ನ, ಓ ನನ್ನ ಇನಿಯ,
ಮಾತಿಗೆ ತಪ್ಪಿ ಒಂದು ಹೆಜ್ಜೆ ಮುಂದಿಟ್ಟರೂ ನೀನು
ಉರುಳಿ ಬೀಳುವೆ ನೀ, ಅಗುವುದಿಲ್ಲಿ ಭೀಕರ ಪ್ರಳಯ!

ಆಗಿನ ಇಸವಿ ಎರಡು ಸಾವಿರ ಒಂದು,
ಅಂದಿನ ತಾರೀಖು ಸೆಪ್ಟೆಂಬರ್ ಹನ್ನೊಂದು,
ನನ್ನನೂ, ನನ್ನ ಒಳಗಿದ್ದ ಜನರನ್ನೂ
ಮುಂಜಾನೆಯೇ ಕೈ ಬೀಸಿ ಕರೆಯುತ್ತಿತ್ತು
ಎಲ್ಲಿಂದಲೋ ಒಂದು ಮೋಹನ ಮುರುಳಿ ರಾಗ
ಗಾಬರಿಯಿಂದ ಕಣ್ಬಿಟ್ಟು ನೋಡಿದೆ ನಾನಾಗ!



ನನ್ನೆಡೆಗೆ ನುಗ್ಗಿ ಬರುತಿತ್ತು, ಒಂದು ಬೃಹತ್ ವಿಮಾನ
ಅವಳು ಸುರಕ್ಷಿತ ವಾಗಿರುವುದ ಕಂಡು ನನಗೆ ಸಮಾಧಾನ!

ಸೀಳಿತು ನನ್ನೆದೆಯ ದೇಹವಾಯಿತು ಛಿದ್ರ
ನಾ ಹೊತ್ತಿ ಉರಿದು ಉರುಳಿದ ದೃಶ್ಯ ರುದ್ರ


ಉರುಳುವಾಗ ಅವಳ ಮಾತುಗಳು ನೆನಪಾಯ್ತು
ಅದರಂತೆ ಈ ದೇಹ ನಿಂತಲ್ಲೇ ಪುಡಿಯಾಯ್ತು
ಈಗ ಬಹುಶಃ ನಿಮಗೆ, ನಾನ್ಯಾರೆಂದು ಗೊತ್ತಾಯ್ತು!

World Trade Centerನ Twin Towersನಲ್ಲಿ
ನಾನು North Tower ಅವಳು South Tower!

ಛೆ! ನಾ ಹೇಳುವುದಿತ್ತು ಅವಳಿಗೆ ಇನ್ನೂ ಬಹಳಷ್ಟು ಬಾಕಿ
ನಮ್ಮ ಕರುಣೆಯೆ ಇಲ್ಲದೆ ಕೊಂದ ಒಸಾಮಾ ಎಂಬ ಪಾತಕಿ
ಹಿಡಿದು ತಂದು ಸಜೀವ ದಹಿಸಿ ಇಲ್ಲಿಯೇ ಹೂತು ಹಾಕಿ
ಆವನು ಯಾವ ದೇಶದಲ್ಲಿಯೇ ಅಡಗಿದ್ದರೂ..
ನನ್ನ ವಿಳಾಸ: ಸಮಾಧಿ, Ground-Zero!

Above: A view of Ground zero 2 days after the attack.

Below: 2 hi power Laser beams are lit at Ground zero on 11th September 2010 to mark the 9th year anniversary of 9/11 attcks in memory of the Beautiful Twin Towers of WTC




ಫೋಟೋ ಕೃಪೆ: ಅಂತರ್ಜಾಲ

Wednesday, September 22, 2010

ಪರದೇಸಿ... ನಾ ನಿನ್ನ ನಂಬಿದೆ


ಪರದೇಸಿ ನೀನೆಂದೂ ಬಾರದಿರು ಸನಿಹ,
ಪರದೇಸಿಗೆ ನೀನೆಂದೂ ಒಲಿಯದಿರು ಹೃದಯ,
ಪರದೇಸಿ ನಿನಗೆ ನಿನದೆಂಬ ವಿಳಾಸ ಇದೆಯಾ?

ಇಂದು ಒಬ್ಬಳು ಚೆಲುವೆಯ ನೋಡು
ಮನವ ಗೆಲ್ಲುವ ಮಾತುಗಳ ಆಡು
ಬೆಚ್ಚಗೆ ಸೇರಿಕೊ ಅವಳೆದೆಯ ಗೂಡು
ಅನುಕ್ಷಣ ಅವಳೆದುರು ಪ್ರೀತಿಯ ಹಾಡು
ನಿನ್ನಾಸೆ ತೀರುತಲೆ, ಕೇಳುವರಿಲ್ಲ ಅವಳ ಪಾಡು
ಮೆಚ್ಚುವ ಮುನ್ನ ಈ ಪರದೇಸಿಯ
ಮನವೇ ನೀನೊಮ್ಮೆ ಯೋಚನೆ ಮಾಡು

ಮೋಡಿ ಮಾಡಿತ್ತು ಪರದೇಸಿಯ ಮಾತು
ಮಾತು ಬೇಸರವಾದಾಗ ನೀಡಿದ್ದ ಮುತ್ತು
ಜೊತೆಗೆ ಕುಳಿತು ತಿನಿಸಿದ್ದ ತುತ್ತು
ಕಪಟವರಿಯದ ಮನವು ಬುಟ್ಟಿಗೆ ಬಿತ್ತು
ಕಪಟವರಿತಾಗ ಕಳ್ಳಾಟಕೆ ಬರಲು ಕುತ್ತು
ಪ್ರೀತಿ ಹೆಚ್ಚಾಗಿ ಒತ್ತಿ ಬಿಡುವನು ಕತ್ತು
ನಂತರ "ಆಕೆ ಯಾರೊ? ಯಾರಿಗೆ ಗೊತ್ತು?"


ನೋಡುತಲೆ ಆಗಸದಿ ಮೂಡಿದ ಚಂದಿರ
ನೆನಪಾಗುವನು ಆಕೆಗೊಬ್ಬ ಸುಂದರ
ಮನಸಲ್ಲಿ ಕಟ್ಟಿದ ಕನಸುಗಳ ಮಂದಿರ
ಮುರಿದು ಮನಸು ಇಂದು ಬಂಜರ
ಅರಿವಿಲ್ಲದೆ ಸೇರಿದ್ದಳು ಪರದೇಸಿಯ ಪಂಜರ

ಕಾಮನಬಿಲ್ಲಂತೆ ಈ ಪರದೇಸಿಯ ಬಣ್ಣ
ಎಲ್ಲೇ ಇದ್ದರೂ ಸೆಳೆವನು ಚೆಲುವೆಯ ಕಣ್ಣ
ಜನುಮ ಜನುಮದ ಸಂಗಾತಿ ಎಂದ ಹೆಣ್ಣ
ಎಸೆವನು ಬೀಜದಂತೆ ಸವಿದ ನಂತರ ಹಣ್ಣ
ಇವನು ಪಾಪ ಪ್ರಙ್ಞೆಯಿರದ ಪರದೇಸಿಯಣ್ಣ
ಇವನು ಬರಲು, ಹೋಗಲು ಇರುವುದಿಲ್ಲ ಕಾರಣ



ಕಟ್ಟುವನು ಸಿಹಿ ಮಾತುಗಳಲ್ಲೆ ಅರಮನೆ
ಮಾಡುವನು ಅವಳೆದುರು ಅವಳದೇ ನಾಮ ಭಜನೆ
ದೋಚುವನು ಮೆಲ್ಲನೆ ಸ್ನೇಹ-ಪ್ರೀತಿಗಳ ಖಜಾನೆ
ಹೊರಟು ಬಿಡುವನು ಹೇಳದೆ ಮರುದಿನ ಮುಂಜಾನೆ

ಪರದೇಸಿ ನಾ ನಿನ್ನ ನಂಬಿದೆ
ನಿನ್ನ ಪ್ರೀತಿಗೆ ಮಿಡಿಯಿತು ನನ್ನೆದೆ
ಕಾರಣವೂ ಹೇಳದೆ ನೀನೇಕೆ ಹೊರಟು ಹೋದೆ?




ಈ ಕವನಕ್ಕೆ ಸ್ಫೂರ್ತಿ ತಂದ ಹಾಡು...


video

Tuesday, September 14, 2010

ಗಣಪತಿ ಬಪ್ಪ ಮೌರ್ಯ..!! 101* (notout) !!

ಗಣಪತಿ ಬಪ್ಪ ಮೌರ್ಯ..!
ಮೆಚ್ಚಲೇಬೇಕು ಇಲ್ಲಿ ಕಲಾವಿದರ ಕಾರ್ಯ!!


ಗೆಳೆಯರೇ,
ನನಗೆ ಈ ಬಾರಿ ಗಣೇಶನ ಹಬ್ಬಕ್ಕೆ ಹಿಂದೆಂದು ಮಾಡಿರದ ಕೆಲಸ ಏನಾದರು ಮಾಡಬೇಕೆನಿಸುತ್ತಿತ್ತು.. ಆಫೀಸ್ ಕೆಲಸ ಬಿಟ್ಟರೆ ಮಾಡಲು ಗೊತ್ತಿರೋದು ಎರಡೇ ಕೆಲಸ - ಕವನ & ಕ್ಯಾಮೆರ. ಹಬ್ಬದ ದಿನ ನೂರೊಂದು ಗಣಪನ ನೋಡುವ ಆಸೆ ಆಯಿತು.. ಕ್ಯಾಮೆರ ಹೊತ್ತು ಹೊರಟೆ.. ಬೆಂಗಳೂರು ಸುತ್ತಿ 101 ವಿವಿಧ ರೀತಿಯ ಗಣಪನಿಗೆ ಕ್ಯಾಮೆರ ಹಿಡಿದೇಬಿಟ್ಟೆ..!! ಪ್ರಯತ್ನ ಹೇಗಿದೆ ಎಂದು ತಿಳಿಸುವುದು ಮರೆಯದಿರಿ..


ಯಾಂತ್ರಿಕ ನಗರಿ ಬೆಂಗಳೂರಿನಲ್ಲಿ ಗಣೇಶನ ಹಬ್ಬ ಅತ್ಯಂತ ಸಂಭ್ರಮದಿಂದ ಆಚರಿಸಲ್ಪಡುವುದು ಕಬ್ಬನ್ ಪೇಟೆಯಲ್ಲಿ.. ಹೆಜ್ಜೆ-ಹೆಜ್ಜೆಗೂ ವಿಶಿಷ್ಟ ರೀತಿಯ ಗಣಪನನ್ನು ಕಾಣಬಹುದು.. ಆ ಗಣಪನ ವಿವಿಧ ರೂಪಗಳಲ್ಲಿ ಅದನ್ನು ಸೃಷ್ಟಿಸಿದ ಕಲಾವಿದರ ಅದ್ಭುತ ಕಲಾತ್ಮಕತೆ, ಸೃಜನಶೀಲತೆ ಎದ್ದು ಕಾಣುತ್ತಿತ್ತು.. ಈ ಮೂಲಕ ಆ ಕಲಾವಿದರಿಗೊಂದು ಸಲಾಮ್ ಹೇಳಬಯಸುವೆ..


ಹಾಗೆ ಆ ಎಲ್ಲಾ ಫೋಟೊಗಳನ್ನು ಇಲ್ಲಿ ಛಾಪಿಸಲು ಕುಳಿತಾಗ ತುಂಬಾ ಕಿರಿಕಿರಿ ಉಂಟು ಮಾಡಿದ, ಒಮ್ಮೆಗೆ ಕೇವಲ ೫ ಫೋಟೊಗಳನ್ನು upload ಮಾಡಲು ಅವಕಾಶ ನೀಡಿದ, ಫೋಟೊಗಳ ಮಧ್ಯೆ ತಾನೇ ಒಂದು ಅಡಿಯಷ್ಟು ಅನವಶ್ಯಕ ಜಾಗ ಬಿಟ್ಟು ವಿಕೃತಗೊಳಿಸುತ್ತಿದ್ದ ಈ blogger websiteಗೂ ಒಂದು ದೊಡ್ಡ ಸಲಾಮ್!!


( All photos taken by myself. Click on the image for an enlarged view )









































































ಢಂ ಢಂ ಡೋಲ್ ಬಾಜೆ...





ಸ್ಯಾಂಕಿ ಟ್ಯಾಂಕಿನಲ್ಲಿ ಗಣಪತಿ ಬಿಡುತ್ತಿರುವ ಜನರ ಗಡಿಬಿಡಿ