ಅಂತು ಇಂತು.. ಮೆಟ್ರೋ ಬಂತು..

ಅಂತೂ ಬಂತು ಬೆಂಗಳೂರಿಗೆ ಮೆಟ್ರೋ
ಅದಕಾಗಿ ಅದೆಷ್ಟು ಕೋಟಿ ಕೊಟ್ಟ್ರೊ?
ಸಾವಿರಾರು ಸಾಲು ಮರಗಳ ಸುಟ್ಟ್ರೊ?
ಅದೆಷ್ಟು ಮಂದಿ ಮನೆ ಅಂಗಡಿ ಬಿಟ್ಟ್ರೊ?

ಬಂದಿತು ನಮ್ಮೂರಿಗೆ ಮೆಟ್ರೊ ರೈಲು
ಮರುಳಾದರು ಜನ ನೋಡಿ ಅದರ ಸ್ಟೈಲು
ಕೆಲವರು ಕುತೂಹಲದಿ ಎಂ.ಜಿ. ರಸ್ತೆಗೆ ಹೋಗಿ
ಕಂಡರು ಕೊರಿಯಾದಿಂದ ಬಂದ ಬೋಗಿ

ಅಗೆದರು ನಗರದಿ ಇದ್ದ ಎಲ್ಲಾ ರಸ್ತೆ
ರೋಡಿಗಿಳಿದರೆ ಸಾಕು ಪಡಬಾರದಷ್ಟು ಅವಸ್ಥೆ
ಕಟ್ಟುವಾಗಲೆ ಉರುಳಿ ಬಿತ್ತು ಎರಡು ಬಾರಿ
ಸೇತುವೆ ಅಡ್ಡ ಬಿದ್ದು ಹೇಳಿದಂತೆ ನಮಸ್ತೆ

ಸೇತುವೆ ಕಟ್ಟಿದರು ಮೇಲೆ ಹೋಗಲು ಟ್ರೇನು
ಸೇತುವೆ ಜೊತೆಗೆ ಉರುಳಿ ಬಿತ್ತು ದೊಡ್ಡದೊಂದು ಕ್ರೇನು
ಯೋಜನೆ ರೂಪಿಸಿದವರಿಗೆ ಇತ್ತೊ ಇಲ್ಲವೊ ಬ್ರೇನು
ಹೋದ ಜೀವಗಳು ಬರುವುದೇ ಪರಿಹಾರ ಕೊಟ್ರೇನು?

NOTE: All pictures taken by myself!