Callcenter ಉದ್ಯೋಗಿ

photo courtesy: fotolia

ಸೂರ್ಯನ ಕಂಡು ಆಯಿತೊಂದು ತಿಂಗಳು
ಅಂದಿನಿಂದಲೇ ಕಂಡಿಲ್ಲ ನಾನು ಬೆಳುದಿಂಗಳು
ಗಂಟೆಗಟ್ಟಲೇ ಗಣಕಯಂತ್ರದ ಪರದೆಯ ಸಹಿಸಿ
ಕೆಂಪಾಗಿ ಅಳುತಿವೆ ಕಂಗಳು
ಹೊಟ್ಟೆಯು ಸಿಟ್ಟಿನಲಿ ಘರ್ಜಿಸುತ್ತಿದೆ
ಮಧ್ಯರಾತ್ರಿ ತಿಂದು ಕ್ಯಾಂಟೀನಿನ ತಂಗಳು

ಆಫ಼ೀಸು ಮುಗಿಸಿ ಮನೆಗೆ ಬಂದು ಎಲ್ಲರೂ
ಸವಿಯುತಿರಲು ಸಂಜೆಯ ತಂಗಾಳಿ
ಕಂಪನಿಯ ವಾಹನ ಬಂದೇಬಿಟ್ಟಿತೆಂದು,
ಬೈದುಕೊಳ್ಳುತ್ತಾ ಹೊರಟಿರುವೆ,
ಛೆ! ನನ್ನದು ರಾತ್ರಿಯ ಪಾಳಿ.
ಕಂಪನಿಯನ್ನೇ ಕಟ್ಟಿಕೊಂಡಿರುವೆ ನಾನು,
ಮದುವೆಯಾದಷ್ಟೇ ಜವಾಬ್ದಾರಿ, ಕಟ್ಟದಿದ್ದರೂ ತಾಳಿ!

ಗಾಡಿ ಬಂದಾಯಿತು, ಇನ್ನು ಮಾಡುವ ಹಾಗಿಲ್ಲ ತಡ,
ಕಾದಿಹರು ನಮ್ಮ ಕರೆಗಾಗಿ ವಿದೇಶೀ ಗ್ರಾಹಕರು,
ನಿಭಾಯಿಸಬೇಕು ಅವರು ಹೇರಿಸುವ ಅಪಾರ ಒತ್ತಡ.

Inspiration: Chetan Bhagat's "One Night at Callcenter"