Wednesday, January 27, 2010

ಮನಸಲ್ಲೆ ಮಾತಾಡುವೆ



*** ಮನಸಲ್ಲೆ ಮಾತಾಡುವೆ ***









ಮನಸಲ್ಲೆ ಮಾತಾಡುವೆ ನಿನ್ನೊಂದಿಗೆ..
ನಾ ಒಂಟಿಯಾಗಿ ಕುಳಿತು..
ಕನಸಲ್ಲೆ ಓಡಾಡುವೆ ನಿನ್ನೊಂದಿಗೆ..
ನಾ ಕೈಯಲ್ಲಿ ಕೈ ಹಿಡಿದು..

ಇಲ್ಲಿನ ನೀರನ್ನು ಆವಿಯಾಗಿ ಸೆಳೆದು
ಮೆಲ್ಲಗೆ ಮೋಡವಾಗಿ ಕದ್ದೊಯ್ದು
ಇನ್ನೆಲ್ಲೊ ಕರಗಿ ಮಳೆಯ ಸುರಿಸುತಿರುವೆ ನೀನು...
ಬರುಡಾದ ಭೂಮಿಯಲಿ ಕಂಬನಿಯ ನೀರ ಹರಿಸಿ
ಗಿಡವ ಬೆಳೆಸಿದೆ ನಾನು..

ಗಿಡವಿಂದು ಬೆಳೆದು ಆಗಿದೆ ಹೆಮ್ಮರ
ಅದರ ಸಾವಿರಾರು ಎಲೆಗಳ ಮೇಲೆ
ನಿನ್ನ ಹೆಸರ ಬರೆದು ಮಾಡಿದೆ
ನಾ ನಿನ್ನ ನೆನಪುಗಳ ಅಮರ..

ನಮ್ಮಿಬ್ಬರ ದೂರ ಮಾಡಿ
ಕಾಲವು ಕಟ್ಟಿಹುದು ಭದ್ರ ಕೋಟೆ
ಆಕಾಶ ಮುಟ್ಟುವಂತಿದ್ದ ಆಸೆಗಳು
ಇಂದು ಊರಾಚೆಯ ಸಮಾಧಿಯಷ್ಟೆ
ಆಗಾಗ ಸಮಾಧಿಯೂ ಪಿಸುಗುಡುವುದು
ಹೃದಯದಿ ಹುದುಗಿದ್ದ ಕೆಂಡ
ಆಗ ಬೆಂಕಿಯಾಗಿ ನನ್ನ ಸುಡುವುದು..
ಹೀಗೆ ಹೃದಯ ಸುಟ್ಟಾಗಲೆಲ್ಲಾ...
ನಾ ಮತ್ತೆ...

ಮನಸಲ್ಲೆ ಮಾತಾಡುವೆ ನಿನ್ನೊಂದಿಗೆ..
ನಾ ಒಂಟಿಯಾಗಿ ಕುಳಿತು..
ಕನಸಲ್ಲೆ ಓಡಾಡುವೆ ನಿನ್ನೊಂದಿಗೆ..
ನಾ ಕೈಯಲ್ಲಿ ಕೈ ಹಿಡಿದು..





4 comments:

  1. pradeep sir,,,its awesome.....ree...enu samachara...yako..bhagna premi...agiro hagide,,,,ene aadru...aa nimma padagala jodane haagu varnane super,,,,,

    ReplyDelete
  2. Thank you Sathya.. Prema chennagidrenu Bhagna aadrenu Kavanakkantu spurthi sigtha idre saku Blog nadesodikke alve?

    ReplyDelete
  3. ಸೀನೆಮಾ ಹಾಡಿನ ಸ್ಫೂರ್ತಿಯಿ೦ದ ಬರೆದದ್ದೇ.... ಚೆನ್ನಾಗಿದೆ. ಜೊತೆಗೆ ಆಡಿಯೋ ಸಹ ಚೆನ್ನಾಗಿದೆ.

    ReplyDelete
  4. Haudu Sitaramavre.. idannu naanu geleya chitrada song ninda spurthi padedu baredaddu.. tumba thanks.

    ReplyDelete