ಪ್ರೇಮ ಕವಿಯ ಪಯಣ

***** ನದಿ - ದಡ ******

ನಾ ನಿಂತಲ್ಲೇ ನಿಂತಿರುವೆ ಮರಳಾಗಿ...
ಅವಳು ಹರಿದುಹೋದಳು ನದಿಯಾಗಿ..
ನನ್ನ ಬೆಚ್ಚನೆಯ ಭಾವನೆಗಳ ಮೇಲೆ
ತಣ್ಣೀರು ಎರಚಿ..
ಅವಳು ನದಿಯಾದಳು..
ನಾ ದಡವಾದೆ..
ನಾ ತಬ್ಬಿ ನಿಂತೆ ಅವಳ
ಅತ್ತಲಿಂದಲೂ.. ಇತ್ತಲಿಂದಲೂ..
ನನ್ನನವಳು ಬಿಟ್ಟು ಹೋಗದಂತೆ
ಸೀಳಿ ಹೋದಳವಳು ನನ್ನೆದೆಯ
ಮತ್ತೆ ಎಂದೂ ಬಾರದಂತೆ...

ಹರಿಯುವ ನೀರು ನಿಲ್ಲದು
ಎಂದು ಈ ದಡವು ಬಲ್ಲದು
ನದಿಯ ನೆಲೆ ಸಾಗರವೇ
ಎಂದು ನಾ ಅರಿತಿರುವೆ..
ಆದರೂ ಮತ್ತೆ ಮೋಡದಿ
ಮಳೆಯಾಗಿ ನೀ ಬರುವೆ
ಎಂಬ ಕನಸಲಿ ಕಾದಿರುವೆ...

.......................... ನಿನ್ನ ನೆಚ್ಚಿನ ಮರಳು ದಡ